على طريقتي

صباح الخير مش عارفة ليه عندي رغبة في أني أعمل مدونة أكتب فيها وصفات الأكل اللي ممكن بطبخه أو وصفة تعدي علي، بس اللي عارفاه حاليًا أني دخلت وعملت المدونة. يمكن أكتب فيها وصفة على مزاجي، أو وصفة متوارثينها في أسرتنا جيل عن جيل، وجايز وصفة متعارف عليها في بلدنا... ليكن هههه 😂 الحكاية شكلها هتبقى شبيهة بأجندة ماما لوصفات الأكل ولا إيه!!! مممم مين عارف! على أي حال التدوين مش صعب الفكرة في الوصفات اللي تيجي عالبال وأجري أكتبها. غالبًا هتكون الوصفة كلمات عن المقادير والطريقة والأفكار حواليها. فكرة الصورة غير مطروحة بيني وبينكم  😉 التصوير أوقات بيخطف من روح الكيان كائن من يكون حتى لو طبق مسقعة 🙊 لا لا الحكاية بس هتبقى قريبة من مضمون الأجندات زمان، كانت من غير صور وأهو كل واحد يطلع الأكلة بالشكل اللي يليق له وتعجبه وزي ما قال جوستو الطبخ للجميع 😌 ووارد نحط صور ليه لا حدش عارف يعني، على العموم أدينا عملنا بس ياك نكتب حاجة وما نركنش زي باقي الركنات. المدونة هيكون اسمها بالعربي على طريقتي والرابط خليته نص فرنساوي ونص انجليزي monreipe ما خليتهاش أجندة ماما مثلاً ليه؟ مممم خلي أجندة ما